Boshlovchilar Uchun

Uzum Marketda do'kon ochish to'liq yo'riqnomasi (2026)

O'zbekistonning eng yirik marketpleysida savdo boshlash uchun zarur bo'lgan barcha huquqiy, moliyaviy va texnik talablar.

1-Qadam: Yuridik maqom (YaTT yoki MChJ)

Uzum Market faqat rasmiy ro'yxatdan o'tgan tadbirkorlar bilan ishlaydi. Jismoniy shaxs sifatida savdo qilish mumkin emas.

YaTT (Yakka tartibdagi tadbirkor) — yangi boshlovchilar uchun eng maqbul yo'l. Ro'yxatdan o'tish 30 daqiqa vaqt oladi.
Bank hisob raqami — Uzum tushumni har hafta to'g'ridan-to'g'ri hisob raqamingizga o'tkazadi.
Elektron raqamli imzo (ERI) — E-imzo orqali shartnoma masofadan imzolanadi.

2-Qadam: Uzum Seller kabinetida ro'yxatdan o'tish

Rasmiy portalda anketani to'ldirasiz: STIR (INN), bank rekvizitlari va aloqa ma'lumotlari kiritiladi. Shartnoma tekshirilib tasdiqlangach (odatda 1-2 ish kuni), shaxsiy kabinetingiz faollashadi.

3-Qadam: Tovar tanlash va Bozor tahlili

Hech qachon tovarni tavakkal sotib olmang. Tovarni xarid qilishdan oldin eStats bozor tahlili orqali:

• Toifada qancha sotuvchi va qancha tovar borligini tekshiring.
•Raqobatchilarning oylik savdo hajmini ko'ring.
• eStats komissiya kalkulyatori orqali sof foyda va marjangizni hisoblang.

4-Qadam: Tovarni omborga topshirish (Akt va Qadoqlash)

Har bir tovar uchun Uzum shtrix-kodi (barkod) chop etilib, qadoq ustiga yopishtiriladi. Kirim hujjati (nakladnoy) shakllantiriladi va tovar saralash markaziga yoki Uzum omboriga topshiriladi.